Category: Shëndetsi

Truri e përdor gjumin për të pastruar mbetjet toksike që grumbullohen gjatë një dite të lodhshme me mendime.

Ky është përfundimi që kanë nxjerrë shkencëtarët amerikanë në një studim të publikuar në revistën ‘Science’.

Vëzhgimi i tyre ka treguar se qelizat e trurit tkurren gjatë fjetjes në mënyrë që të krijojnë hapësirë mes neuroneve dhe të lejojnë lëngjet të “lajnë” trurin.

Gjithashtu, kërkuesit amerikanë thonë se mospastrimi i trurit mund të çojë në çrregullime të tij.

Sipas zbulimit, ky pastrim është një funksion jetësor që nuk mund të kryhet kur njeriu është zgjuar.

/shkupi24/

A është e rëndësishme se ç’grup gjaku kemi për të ditur se ç’duhet të hamë? Disa autorë thonë se është e rëndësishme dhe se duhet të ushqehemi sipas grupit të gjakut. Një gjë e tillë ka bërë jo pak partizanë nëpër gjithë botën në 15 vitet e fundit. Çështja është se baza shkencore për një gjë të tillë është pothuajse inekzistente, siç tregon një studim i fundit.

Të ushqyerit sipas grupit të gjakut u ideua nga Peter D’Adamo në fillim të viteve ’90. Hipotezat e tij bindën shumë dhe libri i vet ka një shitje prej rreth 7 milionë kopjesh në gjithë botën. Në “Hani sipas tipit tuaj” këshilloheshin ushqime të përshtatshme për gjithsecilin: grupi 0 për shembull mund të ushqehej pa problem me ushqime që përmbanin shumë proteina, grupi A më tepër me ushqime vegjetariane, grupi B më tepër me produkte të qumështit, grupi AB mund të zgjidhte një vijë të mesme mes dy të parave.

Por për këto ama, nuk ka asnjë provë shkencore, sepse studime mbi këtë çështje le të themi që ende tani janë thuajse inekzistente dhe për më tepër këto hipoteza nuk janë provuar asnjëherë. Kështu Ahmed El-Sahemy, i Universitetit kanadez të Torontos vendosi të shihte më me vëmendje me një studim që përfshiu rreth 1500 njerëz për të provuar nëse dieta sipas grupit të gjakut mund të ketë një bazë reale. Por nuk ishte e vërtetë. Sipas studiuesit, është e vërtetë që ata të grupit A, për shembull, kishin parametra shëndetësorë më të mira e po ashtu edhe ata të grupit AB, kjo për faktin se të parët kishin një dietë tepër vegjetariane dhe të dytët sepse u ishin këshilluar vezët dhe peshqit. Por kjo s’kishte lidhje me grupin e gjakut, por me ushqimet. Kjo shpjegon dhe pse disa njerëz thonë se ndihen mirë pasi janë ushqyer sipas grupit të gjakut.

/shkupi24/

Nga migrena vuan mesatarisht 15% e popullsisë. Me shumë prek femrat në një raport 3 me 1 me meshkujt. Grupmosha më e prekur është 15 deri 50 vjeç, por ajo mund të haset edhe tek fëmijët e vegjël. Në shumicën e rasteve fillon në adoleshencë, për të arritur kulmin e saj në moshat 35 -45 vjeç e pastaj me kalimin e moshës vjen vetvetiu duke u larguar. Ne mjekët themi shpesh, migrena plaket bashkë me njeriun, prandaj mos u gëzoni shumë kur rrallohen vetvetiu krizat, sepse kjo do të thotë që po plakeni.

/shkupi24/

Shkaqet e erës se keqe të gojës janë të shumta: gojore (mishrat e dhëmbëve, stomatiti, kariet e dhëmbëve), të aparatit tretës apo hepatike. Evitoni drekat dhe darkat të rënduara: ushqimi i tepërt krijon gazra dhe erëra të këqija.

Ushqimet që duhen zgjedhur: ananasi, pjepri, limoni, peshku pa dhjam.
Ushqimet që duhen kufizuar: lakra e zier, hudhra, qepa.

Fototerapia

• Nëse shkaku është i zgavrës së gojës: atëherë kryeni shpëlarje të gojës me: valim me gjethe trumbëze, sherbele, alteje e mendre: 10 gram prej secilës zihen në një litër ujë për 10 minuta.

• Nëse shkaku është i lidhur me tretjen:  valim me gjethe shporizi (bimë e ngjashme me hithrën, me lule të imta ngjyrë jargavani të çelur), e çaj jeshil. Në 250 gram ujë të valuar shtoni 5 gram gjethe shporizi dhe 5 gram gjethe çaji, lërini të ziejnë për 10 minuta, kullojini gjysmë ore mbas zierjes dhe mund ta pini mbas vakteve transmeton shkupi24.

Ushqyerja me gji 
Nuk është e vërtetë që një grua që ushqen fëmijën me gji duhet të ushqehet sa për dy veta. Ngrënia në sasi të mëdha dhe pa cilësi ndikon edhe në cilësinë e qumështit të saj; një nënë e re ka nevojë për afërsisht 2500 kalori në ditë. Ushqimi duhet të jetë i larmishëm dhe cilësor.

Ushqimet që këshillohen: thjerrëza dhe djathi parmixhan janë sipas traditës, ushqime qumështsjellëse. Të tilla janë gjithashtu edhe të brendshmet, oreshkat (mollë dheu), elbi, tërshëra, kajsitë. Një gotë birrë gjatë vakteve favorizon prodhimin e qumështit.

Ushqime që duhen kufizuar: gjithçka që mund t’i japë shije të keqe qumështit: hudhra, qepa, lakra, angjinaret.

/shkupi24/

Pirja e sasive të mjaftueshme të ujit ndihmon trurin të funksionojë më mirë, tregojnë studimet britanike.

Sipas një studimi të realizuar nga studiuesit e University of East London dhe University of Westminster, konsumimi i sasive të larta të ujit përmirëson aktivitetin e trurit.

Siç raporton Noa.al, studimi i botuar në revistën “Frontiers in Human Neuroscience” tregon se pirja e rregullt e ujit përmirëson funksionimin e zonave cerebrale të cilat janë në gjendje të japin një përgjigje më të shpejtë, në raport me momentin kur jemi të etur.

Veç kësaj, pirja e sasive të mjaftueshme të ujit ndihmon edhe në shumë aspekte organizmin tonë, duke qenë se ai në sasi më të madhe është i ndërtuar nga ky “lëng magjik”.

/shkupi24/

Një grup hulumtuesish nga Rockefeller University i New Yorkut kanë eksperimentuar me bakteriofagë. Vincent Fischetti, udhëheqësi i tyre, ka hulumtuar një bakteriofag që ka vrarë Streptococcus pneumoniae dhe ka izoluar enzimën që ka zbërthyer ose çarë bakterin.

“Vince e ka izoluar atë enzimë dhe më tha, ‘Dëshironi ta testoni’, unë e bëra dhe funksionoi për mrekulli”, ka thënë McCullers. Enzima u hodh në hundën e minjve, duke parandaluar tërësisht infeksionin e veshit në minj. Shumë kërkues kanë gjetur se këto fagë, baktere-vrasës, mund të përdoren për të ndihmuar mjekësinë.

“Këto viruse infektues, kur dëshirojnë të lënë bakterin dhe të largohen për të infektuar të tjerë dhe të shpërndahen më tej, zhvillojnë këto enzima të cilat shkaktojnë një çarje në murin e bakterit”, ka thënë McCullers. Kjo vret bakterin (enzima). Fagët mund të sajohen në laborator për të sulmuar vetëm lloje specifike të baktereve dhe të jenë të padëmshëm për qelizat humane, transmeton Telegrafi.

“Një prej aplikimeve për përdorim të saj që mund ta parashohim është se, nëse keni fëmijë që mund të marrën infeksione gjatë periudhës së dimrit, mund të keni një sprej nazal i cili do të spërkatet në hundën e fëmijës një herë të javë vetëm për të nxjerrë bakteret jashtë”, ka thënë McCullers.

Ose mbase sprej mund të përdoret pas një periudhe të gripit për të parandaluar infeksionin sekondar. Kjo mund të përdoret për njerëzit e moshuar, derisa gripi sezonal vret rreth 36.000, më së shumti të moshuar, çdo vit vetëm në Shtetet e Bashkuara.

“Shumica e njerëzve nuk vdesin nga influenca, por ata vdesin për shkak të infeksioneve bakteriale pas gripit”, McCullers.

Por vitet e eksperimenteve klinike do të duhet të realizohen para se ky trajtim të mund të testohet edhe në fëmijë.

/shkupi24/

Lajthitë janë fruta të thata shumë të ushqyeshme, ku mund të konsumohen kur janë të freskëta, të thata dhe të përpunuara në ëmbëlsira të ndryshme. Lajthitë përmbajnë gati 60% vaj, albuminë dhe pak sheqerna.

Gjithashtu, lajthitë janë të pasura me  proteina dhe kripera minerale,   duke bërë të mundur ruajtjen e zemrës dhe enëve të gjakut.

Në treg ka shumë tipe të frutave me vaj, si bajamet, fistikët, kikirikët, arrat, farat e kungullit dhe luledielli. Por ato më të mirat janë ato pa kripë apo pa përbërës të tjerë sepse kështu ruajnë të gjitha vlerat ushqyese. Dobitë e lajthive janë:

1.Kanë yndyra të shëndetshme dhe mbajnë kolesterolin e ‘keq’ nën kontroll.

2.Përmbajnë proteina të lehta dhe fibra.

3.Janë plotë me minerale dhe vitamina.

4.Përmbajnë vitaminën P, të tipit antioksidant,  që shërben për të kontrolluar veprimet agresive tonat.

Por KUJDES, në gjithë frutat me përberje vaji, Kikirikët shkaktojnë alergji.

/shkupi24/

Artriti është një inflamacion i reaksioneve natyrore të sëmundjeve apo lëndimit dhe përfshin enjtje, dhimbje dhe ngurtësim. Llojet e artritit janë nga më të shumtat. Ato të cilat e prekin më shumë njeriun kanë simptoma si dhimbje, ngurtësim apo edhe vështirësi në lëvizje. Artriti dëmton indet e trupit të njeriut dhe si pasojë mund të prekë pjesë të tij, apo edhe organet e brendshme.

Hulumtuesit e Universitetit të Stomatologjisë në Kentucky kanë zbuluar kohët e fundit se larja e dhëmbëve dhe mbajtja e tyre pastër ul rrezikshmërinë e njeriut për tu prekur nga sëmundja e artritit.

Sipas tyre, mbetjet ushqimore të cilat nuk pastrohen herë pas here, kthehen në baktere të cilat më pas krijojnë disa enzima që arrijnë të çojnë në një sulm imunitar me kalimin e kohës dhe ndikojnë direkt në inflamacionin kronik i cili është përgjegjës për ruajtjen e kockave. Dëmtimi i këtyre indeve, i cili vjen si rezultat i baktereve të krijuara nga moslarja e dhëmbëve, arrin që të dobësojë kockat e trupit të njeriut dhe gradualisht të çojë në sëmundjen e artitit.

Dr.Potempa dhe ekipi i tij nga ky universitet kanë zbuluar gjithashtu se bakteret që formohen nga moslarja e dhëmbëve rregullisht, kthehen edhe pergjegjës në avancimin e mëtejshëm të sëmundjes.

Artriti është një sëmundje e përhapur në rend global.

Një në tre persona mund të jenë të prekur qoftë edhe nga një formë saj, si përshembull dhimbja e nyjeve. Gjë e cila me kalimin e kohës fillon edhe avancon.

Mjekët  sugjerojnë se që në moshë të re njerëzit duhet të fillojnë të kujdesen e të mos i nënvlerësojnë këto shenja. Një nga mënyrat se si mund të shmanget është nga larja e dhëmbëve rregullisht, gjë e cila nuk do të çojë në krijimin e baktereve dhe si pasojë dëmtimin e indeve kockore.

/shkupi24/

Ushqimi i dikujt tjetër, që nuk merret ligjërisht – domethënë i blerë ose i dhuruar nga tjetri. Dëshmia kuranore që provon këtë ndalim është ajeti:

“Mos hani pasurinë e njëri-tjetrit në mënyrë të palejuar!”
(Bekare: 188).

Arsument tjetër është edhe hadithi:
“Mos ta mjelë kush delen e tjetrit, veçse me lejen e tij.” Buhariu, Muslimi, Ebu Daudi

1 Ngordhësira, ose ajo kafshë që ka ngordhur vetë. Këtu futen: kafsha e mbytur me shtrëngim, e mbytura nga uji, e rrëzuara, kafsha e vrarë nga një kafshë tjetër dhe kafsha e ngrënë nga egërsirat.

2 Gjaku i çdo lloji, sido që të jetë: i derdhur apo i mpiksur, në sasi të pakta apo të mëdha.

3 Mishi i derrit dhe çdo pjesë tjetër e tij, si gjaku, dhjami etj..

4 Kafsha që theret në emër të dikujt tjetër veç Allahut.

5 Kafsha që theret në tempuj apo altare. Kjo përfshin gjithçka që theret nëpër varre e tyrbe, të ciiat ndertohen si objekte për ata që adhurohen përveç Allahut, apo si ndërmjetësues tek Ai.

Argumenti i ndalimrt për të lartpermendurat, është ajeti kuranor:

“Juve u janë ndaluar: ngordhësira, gjaku, mish’i i derrit, ato që theret jo në emër të Allahut, e mbytura ne fytr e mbytura në ujë, e rrëzuara, e vrara (nga briri i tjetrës), ajo që e ka ngrënë egërsira – përveç asaj që arrini ta therni – dhe ajo që është therur për idhuj.” (Maide: 3).

Në këtë ajet pra, përmenden të gjitha kategoritë e mishit të ndaluar.

Është zyrtare, stresi provokon dhimbje të forta koke, por jo vetëm… Një kërkim i fundit gjerman tregon rëndësinë e të parit me kujdes të jetës që bëjmë.

Për të luftuar dhimbjen e kokës nga stresi duhen vetëm 3minuta në ditë, duhet të refloktojmë mbi atë çka po bëjmë dhe si po e bëjmë apo përjetojmë.

Stresi kronik është ai më i përhapuri kohët e fundit, që provokon sëmundje kardiovaskulare, tumore, bronkopolmoni, sëmundje kronike bllokuse të mushkërive, të mëlçisë dhe sëmundjeve të zorrëve. Ndër të tjera , stresi provokon   dhe hipertensionin  ku mund të shkaktojë diabet apo infarkt.

Pra ajo që duhet të bëjmë për të luftuar stresin është të reflektojmë vetëm 3 minuta në ditë dhe të bëjmë një analizë reale mbi atë çfarë kemi nevojë dhe dëshirë.

/shkupi24/