Category: Gruaja dhe Familja

1. Përsëritni së bashku përherë:

Shpresojmë tek Allahu që të na bashkon në dynja dhe ahiret; si kjo shprehje dhe të ngjashme me të, e forcojnë lidhjen bashkëshortore dhe e shtojnë dashurinë mes dy bashkëshortëve, derisa ajo të jetë e vazhdueshme dhe  të mos vdes.

2. Shtoni sjelljet që aludojnë në butësi dhe dashuri:

Këto sjellje janë të vogla dhe të thjeshta, mirëpo me peshë të madhe dhe vlerë të shtrenjtë, si p.sh. të vendos ushqimin në gojën e tjetrit, apo kur të ulet t’ia afron karrigen, apo t’i shërben çaj apo kafe, etj. Të gjitha këto sjellje, kur burojnë nga burri për gruan e vet apo nga gruaja për burrin e saj, e vërtetojnë dashurinë mes tyre.

3. Gjetja e kohës për diskutime mes dy bashkëshortëve:

Ata dy nuk i pengon asgjë që të ulen dhe ta shikojnë njëri-tjetrin me ngrohtësi dhe dashuri dhe të flasin për të kaluarën dhe të tashmen dhe të ardhmen e tyre. Ata mes veti janë burrë e grua, po janë edhe shokë shumë të afërt dhe të mirë. Kur flasin, njëri cek ndonjë fjalë e tjetri ndonjë rrëfim, qeshin dhe e kapin njëri-tjetrin për dore, dhe kjo e tëra e ripërtërin dashurinë mes tyre dhe u jep jetë të gjatë.

4. Shprehja e çdonjërit prej tyre se ka nevojë për tjetrin:

Kjo e shton nevojën për njëri- tjetrin dhe i lidh mes veti edhe më tepër.

5. Siguria emocionale kur ka nevojë për të:

Shembull kur gruaja është shtatzëne burri i saj është pranë saj dhe ai i përjeton dhembjet dhe ndjenjat e saj, apo kur burri është i sëmurë gruaja i qëndron pranë me emocionet e saj dhe është krahu i tij. Dynjaja ka sfida të ndryshme dhe përjetohen situata të llojllojshme dhe ka nevojë që çdo palë të qëndron me tjetrën dhe t’i jep përkrahje emocionale derisa të shtohet dashuria.

6. Të dhuruarit e dhuratave:

Burri i dhuron gruas dhuratë apo gruaja i dhuron burrit, qoftë ajo për shkak të ndonjë manifestimi apo jo, dhe gjithmonë gjërat e papritura lënë ndikim më të madh sepse ato janë të papritura. Dhuratat janë shenjë e dashurisë mes tyre dhe i parfumosin ditët e martesës mes tyre dhe netët e saj.

7. Shpeshtimi i duave pas çdo namazi dhe kohët kur pranohen lutjet:

Në pjesën e tretë të natës, apo pas mes ezanit dhe kiametit apo ditën e Arafatit apo gjatë udhëtimit, që Allahu ta shton dashurinë mes tyre dhe të mos vdes ajo dashuri mes tyre, po ajo të jetë e gjallë dhe e vazhdueshme, e këtë mundet ta plotëson vetëm se Allahu Fuqiplotë.

8. Të sillet çdonjëri me tjetrin me shpirtin e faljes dhe mirëkuptimit

Të sillen me respekt dhe me mëshirë dhe t’i neglizhojnë gjërat negative dhe të koncentrohen në gjërat pozitive. Kjo e shton dashurinë dhe e bën të përhershme.

9. Ti mësojnë fëmijët e tyre si ti resketojnë prindërit:

Kur burri i mëson fëmijët që ta respektojnë dhe ta duan nënën e tyre, ajo padyshim se do të ndjen gëzim dhe lumturi, dhe ajo nuk do ta harron një situatë të tillë. Kjo e ripërtërin dashurinë mes veti nga fillimi. E njëjta ndodh edhe kur gruaja ju flet fëmijëve për prindërin e tyre.

Nga arabishtja: Irfan JAHIU

Allahu besimtares ja bëri për detyrë të mbulohet, dhe ky detyrim në vete përmban urtësi dhe fshehtësi të mëdha, dhe cilësi të lavdëruara, dhe synime dhe dobi të shumta, e ndër to:

E para: Ruajta e nderit:

Mbulesa është mburojë për ta ruajtur nderin dhe për ta larguar çdo shkak që të çon në dyshime dhe fitne dhe çrregullim.

E dyta: Pastrimi i zemrave:

Mbulesa nxit në pastrimin e zemrave të besimtarëve dhe besimtareve, dhe mbushjen e zemrës me devotshmëri, dhe respektimin e shenjtërisë. Allahu të vërtetën e tha: “Kjo është më e pastër për zemrat tuaja dhe të atyre”. Ahzab 53.

E treta: Virtytet e larta të moralit:

Mbulesa nxit në realizimin e virtyteve të larta të moralit, si virtytshmërinë, nderin, turpin dhe xhelozinë, dhe mbulesa mbron nga të njollosurit me cilësi të shëmtuara, si ato të pahijshmet dhe paturpësia, dhe e ndyra dhe çrregullimi.

E katërta: Mbulesa është shenjë dhe emblemë e besimtares së ndershme:

Mbulesa është shenjë dhe emblemë sheriatike e besimtares që aludon në dëlirësinë dhe nderin e saj, dhe aludon në largimin e saj nga pisllëku i dyshimit dhe të hutuarit: “Kjo është mënyra më e përshtatshme që ato të njihen e të mos ngacmohen nga të tjerët”. Ahzab 59. Përmirësimi i pamjes së jashtme është argument i përmirësimit të brendësisë. Virtytshmëria është kurora e gruas dhe nuk është prekur ndonjë shtëpi me dëlirësi vetëm se ajo shtëpi ka përfituar nga lumturia.

Ajo që vlen të theksohet këtu është se Numejrij kur e thuri thënien e tij tek Haxhaxhi: (Ato i mbulojnë pjesët e trupit nga devotshmëria …. dhe në pjesën e natës kur dalin, dalin me shami të mbuluara), Haxhaxhi tha: E tillë është gruaja muslimane!

E pesta: Ndërprerja e lakmisë dhe ideve djallëzore:

Mbulesa është mburojë shoqërore nga e liga dhe nga sëmundjet e zemrave të burrave dhe grave. Mbulesa e ndërpret çdo lakmi dhe dëshirë të fëlliqur, i shmang sytë tradhtare nga shikimi, e largon të ligën nga nderi i burrit dhe po ashtu e largon të ligën nga nderi i gruas dhe familjes së saj, është mburojë nga të gjuajturit e grave të ndershme me akuza për amoralitet, i largon thashethëniet qëllimkëqija dhe pisllëkun e dyshimeve dhe të hutuarit, dhe idetë tjera djallëzore.

E gjashta: Ruajtja e turpit:

Fjala haja (turp) në gjuhën arabe buron nga fjala arabe hajat, që do të thotë jetë, e që nënkupton se s’ka jetë pa turp. Turpi është moral që Allahu e vendos në shpirtrat e atyre që do t’i fisnikëron, dhe është moral që përçon vlera dhe mirësi dhe që e largon në shumë mënyra poshtërsinë. Është nga veçoritë e njeriut dhe cilësitë e natyrshmërisë, dhe moral islam, dhe degë nga degët e imanit, dhe është cilësi nga cilësitë e lavdëruara të arabëve para islamit ku me ardhjen e tij vetëm se e vërtetoi si cilësi dhe thirri në të. Mbulesa nuk është diç tjetër përveçse mjet efektiv për ta ruajtur turpin dhe largimi i mbulesës nënkupton largimin e turpit.

E shtata: Mbulesa e pengon depërtimin e zhveshjes dhe lakuriqësisë dhe përzierjes mes dy gjinive në shoqëri muslimane.

E teta: Mbulesa është mburojë kundër kurvërisë dhe amoralitetit, dhe në këtë rast, gruaja nuk bëhet enë e çdokujt që do të pi.

E nënta: Gruaja është auret e mbulesa është ajo që e mbulon dhe kjo është nga devotshmëria:

Allahu i Madhërishëm tha: “O bijtë e Ademit, Ne ju dërguam rroba që të mbuloni vendet e turpshme, si edhe për zbukurim; por, petku i devotshmërisë është më i miri”. Earaf 26. Abdurrahman ibën Eslem, Allahu e mëshiroftë, në komentin e këtij ajeti thotë: Njeriu i frikohet Allahut dhe i mbulon pjesët e turpshme, e ky është petku i devotshmërisë.

Në një nga lutjet e të Dërguarit të Allahut, lavdia dhe paqja e Allahut qofshin mbi të, ka ardhur se ka thënë: “Allahummes-tur avrati ve amin revati (O Allahu im, m’i mbulo të metat e mia dhe më qetëso në momentet trishtuese)”. Hadithin e shënon Ebu Davudi dhe të tjerët.

Prandaj o Zot, na i mbulo auretet tona dhe të grave të besimtarëve. Amin.

E dhjeta: Ruajta e xhelozisë.

Nga arabishtja: Irfan JAHIU

Pjesë e shkëputur nga libri: “Hirasetul fadile” nga shejh Bekër Ebu Zejd, Allahu e mëshiroftë.

 

Shpesh e dëgjojmë shprehjen se periudha e fejesës është ajo më e bukura dhe se periudha që vjen pas martesës në të dashuria vdes! Për fat të mirë, kjo shprehje nuk është e vërtetë, sepse dashuria nuk vdes, po vetëm se i ndryshohen format dhe pamjet me kalimin e kohës.

Gjatë periudhës së fejesës, për shkak të natyrës së periudhës nuk ka plotësim të tërësishëm të emocioneve dhe ndjenjave, dhe dashuria në këtë periudhë mes dy bashkëshortëve të ardhshëm shprehet në formën e fjalëve dhe dhuratave, etj.

Kurse pas martesës dhe lindjes së fëmijëve, dashuria në këtë periudhë shprehet nëpërmjet përkujdesjes për shtëpinë dhe familjen, dhe angazhimit për të fituar pasuri dhe plotësimit të kërkesave familjare, etj.

E kjo a nuk është dashuri?! Që ata të dy të lodhen për hir të lumturisë së tjetrit. E kjo a nuk është dashuri?!

Kur përgjegjësit dhe detyrimet shtohen brenda rrethit familjar, pa dyshim se kjo merr kohë më tepër nga ata dy dhe hisja e romantikës mes dy bashkëshortëve fillon të zvogëlohet dhe kjo bën që ata dy të ftohen mes veti me kalimin e kohës dhe me të vijnë edhe problemet, madje edhe divorci, duke menduar se dashuria më nuk ekziston në jetën e tyre. Kurse në realitet dashuria ekziston dhe ajo reflektohet në jetën e tyre, por në pamje dhe formë tjetër.

Edhe përskaj gjithë kësaj, ndjenjat e gruas do vazhdojnë të mbeten të ndërlidhura me fjalën e bukur dhe butësinë dhe mëshirën, dhe ndjenjat e burrit do vazhdojnë të mbeten të ndërlidhura me respektin dhe besimin.

Nga arabishtja: Irfan JAHIU

Një grua e shtyrë në moshë u pyet për dashurinë dhe kuptimin e saj, dhe ajo u përgjigj:

Hera e parë kur e dëgjova këtë fjalë ishte në fëmijërinë time, kur nëna ime më puthi dhe më tha: të dua.

Thash: Dashuria qenka siguri dhe përqafim i ngrohtë.

Kur isha e re, shoqja ime më e afërt më shkroi një letër ku në të cekej: të dua për hir të Allahut.

Thash: Dashuria qenka gjëja më e bukur dhe kënaqësi e zemrës dhe afrim i zemrave.

Kur u martova, burri im më tha: të dua.

Thash: Dashuria qenka shpresë dhe ambicie, përmallim dhe butësi.

Kur burri u kthye nga jasht dhe e gjeti shtëpinë të rregulluar dhe ushqimin mbi tryezë, më tha: të dua.

Thash: Dashuria qenka falënderim dhe respekt.

Me kalimin e viteve flokët filluan të më dobësohen e të thinjen, dhe burri kur i pa ato, më tha: të dua.

Thash: Dashuria qenka mëshirë dhe ndjenjë.

Jeta kaloi dhe ne u plakëm dhe çdo herë më thonte: të dua.

Thash: Dashuria qenka lojalitet dhe besnikëri dhe sinqeritet.

Atëherë, a i ndryshoi kuptimi dashurisë?!

Nga arabishtja: Irfan JAHIU

1. Përsëritni së bashku përherë:

Shpresojmë tek Allahu që të na bashkon në dynja dhe ahiret; si kjo shprehje dhe të ngjashme me të, e forcojnë lidhjen bashkëshortore dhe e shtojnë dashurinë mes dy bashkëshortëve, derisa ajo të jetë e vazhdueshme dhe  të mos vdes.

2. Shtoni sjelljet që aludojnë në butësi dhe dashuri:

Këto sjellje janë të vogla dhe të thjeshta, mirëpo me peshë të madhe dhe vlerë të shtrenjtë, si p.sh. të vendos ushqimin në gojën e tjetrit, apo kur të ulet t’ia afron karrigen, apo t’i shërben çaj apo kafe, etj. Të gjitha këto sjellje, kur burojnë nga burri për gruan e vet apo nga gruaja për burrin e saj, e vërtetojnë dashurinë mes tyre.

3. Gjetja e kohës për diskutime mes dy bashkëshortëve:

Ata dy nuk i pengon asgjë që të ulen dhe ta shikojnë njëri-tjetrin me ngrohtësi dhe dashuri dhe të flasin për të kaluarën dhe të tashmen dhe të ardhmen e tyre. Ata mes veti janë burrë e grua, po janë edhe shokë shumë të afërt dhe të mirë. Kur flasin, njëri cek ndonjë fjalë e tjetri ndonjë rrëfim, qeshin dhe e kapin njëri-tjetrin për dore, dhe kjo e tëra e ripërtërin dashurinë mes tyre dhe u jep jetë të gjatë.

4. Shprehja e çdonjërit prej tyre se ka nevojë për tjetrin:

Kjo e shton nevojën për njëri- tjetrin dhe i lidh mes veti edhe më tepër.

5. Siguria emocionale kur ka nevojë për të:

Shembull kur gruaja është shtatzëne burri i saj është pranë saj dhe ai i përjeton dhembjet dhe ndjenjat e saj, apo kur burri është i sëmurë gruaja i qëndron pranë me emocionet e saj dhe është krahu i tij. Dynjaja ka sfida të ndryshme dhe përjetohen situata të llojllojshme dhe ka nevojë që çdo palë të qëndron me tjetrën dhe t’i jep përkrahje emocionale derisa të shtohet dashuria.

6. Të dhuruarit e dhuratave:

Burri i dhuron gruas dhuratë apo gruaja i dhuron burrit, qoftë ajo për shkak të ndonjë manifestimi apo jo, dhe gjithmonë gjërat e papritura lënë ndikim më të madh sepse ato janë të papritura. Dhuratat janë shenjë e dashurisë mes tyre dhe i parfumosin ditët e martesës mes tyre dhe netët e saj.

7. Shpeshtimi i duave pas çdo namazi dhe kohët kur pranohen lutjet:

Në pjesën e tretë të natës, apo pas mes ezanit dhe kiametit apo ditën e Arafatit apo gjatë udhëtimit, që Allahu ta shton dashurinë mes tyre dhe të mos vdes ajo dashuri mes tyre, po ajo të jetë e gjallë dhe e vazhdueshme, e këtë mundet ta plotëson vetëm se Allahu Fuqiplotë.

8. Të sillet çdonjëri me tjetrin me shpirtin e faljes dhe mirëkuptimit

Të sillen me respekt dhe me mëshirë dhe t’i neglizhojnë gjërat negative dhe të koncentrohen në gjërat pozitive. Kjo e shton dashurinë dhe e bën të përhershme.

9. Ti mësojnë fëmijët e tyre si ti resketojnë prindërit:

Kur burri i mëson fëmijët që ta respektojnë dhe ta duan nënën e tyre, ajo padyshim se do të ndjen gëzim dhe lumturi, dhe ajo nuk do ta harron një situatë të tillë. Kjo e ripërtërin dashurinë mes veti nga fillimi. E njëjta ndodh edhe kur gruaja ju flet fëmijëve për prindërin e tyre.

Nga arabishtja: Irfan JAHIU

Burri i tha gruas në shaka: A ka burrë më të bukur se sa unë?!

Ajo .. heshti, e pastaj tha: Nuk e di!

Burri tha: Atëherë a ka më të mirë se sa unë?!

Ajo tha: Po ashtu, nuk e di!

Burri i tha: Apo burrë më të butë dhe më të ndjeshëm se sa unë?!

Ajo tha: Nuk e di!

Burri i tha: E si nuk e di?!!

U përgjigj: Po, nuk e di!

Burri si u mërzit, e ajo, u kthye dhe i tha: Si të shikoj tjetrin nga burrat kur ti je me mua! Si t’ia drejtoj sytë tjetrit kur ti je kënaqësia ime,  dhe si të mos jem e kënaqur që të kam burrë, kur Allahu nga caktimi i Tij e bëri të jesh burri im në dynja dhe me lejen e Allahut edhe në Xhenet!

Nga arabishtja: Irfan JAHIU

Përcillet se disa njerëz të urtë i kanë këshilluar burrat që të mos martohen me këto shtatë gra:

1. Ankuesen; e ajo është që ankohet shumë dhe shpesh.
2. Atë që përfolën; e ajo është që shumë e përfolën dhe e përmendën atë që e ka bërë nga gjërat e mira.
3. Atë që përmallohet për burrin e parë të saj.
4. Atë që shikon dhe vështron në çdo gjë dhe përmallohet për atë që e sheh dhe syri nuk i ngopet.
5. Atë që tanë ditën e kalon në zbukurimin e saj dhe të fytyrës së saj.
6. Atë që lavdërohet me fjalë dhe shet mend para njerëzve dhe masës.
7. Atë që vazhdimisht e përmend babën e saj dhe thotë ishte babai im kështu dhe punonte këtu e atje.

Nga arabishtja: Irfan JAHIU

Pse gruaja lind duke qenë e zgjuar?!

Pse Hava, alejha selam, u krijua nga Ademi, alejhi selam, e ai ishte duke fjetur, kurse ajo kur lind, lind e zgjuar!

A e dini sebepin??!

Thuhet se burri kur ndjen dhembje, e urren atë, kurse tek gruaja ndodh e kundërta, ajo kur ndjen dhembje, asaj i shtohen dashuria dhe ndjenjat.

Po të ishte krijuar Hava nga Ademi, alejhi selam, duke qenë ai i zgjuar, ai do të ndjente dhembje me daljen e saj nga brinji i tij, e kështu do ta urrente atë, mirëpo ajo u krijua nga ai duke fjetur që mos të ndjen dhembje dhe mos ta urren atë!

Ndërkohë, gruaja kur lind e zgjuar dhe para saj e sheh vdekjen, asaj i shtohen emocionet dhe e do fëmijën e saj, madje e flijon jetën e saj për të!

O ti mashkull, mos u tall me ndjenjat e femrës. Ajo u krijua në këtë formë dhe në këtë gjendje është e bukur. Ti ke nevojë për të ashtu si është, mos luaj me ndjenjat e saj.

Kurse ti motër mos u mërzit nëse të ofendojnë! Për ndjenjat e tua ka nevoja dynjaja e tëra. Ti je gjysma e shoqërisë e cila e ndërton edhe gjysmën tjetër të saj!

Nga arabishtja: Irfan JAHIU

Fëmijët janë pesë llojesh:

I pari: Nuk e vepron atë që e urdhërojnë prindërit. Ky konsiderohet mos respektues i prindërve.

I dyti: E vepron atë që urdhërohet, mirëpo e urren atë. Ky nuk shpërblehet.

I treti: E vepron atë që urdhërohet, mirëpo e përmend atë dhe ankohet dhe e ngrit zërin. Ky ndëshkohet.

I katërti: E vepron atë që urdhërohet dhe me zemërgjerësi. Ky shpërblehet dhe ky lloj janë pak.

I pesti: E vepron atë që e duan prindërit para se të urdhërohet. Ky është respektues i prindërve dhe ky lloj janë të rrallë.

Për dy llojet e fundit, mos pyet për bereqetin e tyre në jetë dhe pasuri, lehtësimin e çështjeve të tyre dhe zgjerimin e gjokseve të tyre, si shpërblim prej Allahut: “Kjo është dhuntia e Allahut; Ai ia jep atë kujt të dojë. Allahu zotëron dhunti të madhe”. Xhumua 4.

Kurse kur dëgjojmë për llojet e tjera të fëmijëve na ngushtohet gjoksi se si nuk i respektojnë prindërit dhe i dëmtojnë ata.

Allahu na bëftë prej atyre që i respektojnë prindërit tanë!

Nga arabishtja: Irfan JAHIU 

Ndodhi një mosmarrëveshje mes dy bashkëshortëve dhe gruaja u ul duke qarë. Në këto çaste, trokiti në derë familja e saj, kishin ardhur në vizitë të saj. Ia panë sytë e lotuar dhe e pyetën se çfarë ndodhi me të?!

U përgjigj: Paramendoni! U ula të ju rikujtoj, e fillova të qaj dhe mu shtua dëshira që t’ju shoh! Lartësimi i takon Allahut që më bashkoi me juve në këto momente!!

Burri e dëgjonte gruan e vet se si e arsyeton të qarit e saj para familjes, e u rrit në sytë e tij dhe u gëzua që i ruajti sekretet bashkëshortore!

Pasi shkuan familja e saj, i kërkoi falje dhe u pendua.

Kjo grua është e mençur!

Kjo është dashuri dhe mirëkuptim për ata që dëshirojnë jetë të lumtur!

Nga arabishtja: Irfan JAHIU