Category: Shëndetsi

Mjekët po paralajmërojnë mbi rreziqet e konsumimit të tepërt të pijeve energjike, pasi një burrë i moshës se mesme, i cili konsumonte 5 kanoçe në ditë, u infektua nga hepatiti akut.

50-vjeçari, emri i të cilit nuk është bërë i ditur, është diagnostikuar me dëmtime serioze në mëlçi.

Ai tregon se filloi të kishte dhimbje të tmerrshme në stomak dhe anoreksi pasi pinte 4 deri në 5 kanoçe me pije energjike për të qenë aktivë në punë.

Gjendja filloi të përkeqësohej me të përziera dhe të vjella. Në fillim mendoi se këto ishin simptoma të gripit, por u shqetësua kur filloi t’i zverdhej lëkura.

Mjekët në Kolegjin Mjekësor Universitar Florida zbuluan se këto simptoma vini si pasojë e hepatitit akut, një sëmundje e rëndë e mëlçisë.

Hepatiti zakonisht shkaktohet nga konsumimi i tepërt i alkoolit ose drogës, por pacienti thotë se nuk pinte alkool, duhan apo gjëra të jashtëligjshme.

Mjekët thonë se ka shumë mundësi që hepatiti të jetë shkaktuar nga overdoza e vitaminës B3, e njohur si niacin, që gjendet në sasi të lartë tek pijet energjike.

“Një kanoçe nga një pije energjike përmban 40 mg niacin, ose 200% të sasi së rekomanduar në ditë. Ai konsumonte 4 deri në 5 kanoçe në ditë për më shumë se 21 ditë rresht”, thonë mjekët.

Pacientit i është ndaluar kategorikisht konsumimi i pijeve energjike.

Burimi: Daily Mail / http://shendeti.com.al/

Kapsllëku rrit rrezikun e zhvillimit të sëmundjeve të veshkave, paralajmërojnë shkencëtarët. Personat që vuajnë nga kjo gjendje e zakonshme kanë 13% më shumë gjasa të preken nga sëmundja kronike që pengon organet të funksionojnë siç duhet.

Problemet me zorrët rrisin rrezikun e zhvillimit të sëmundjeve të veshkave, ndërkohë që faza e fundit e kësaj sëmundjeje mund të jetë vdekjeprurëse, sugjeron një studim i ri.

Për të parandaluar pasojat më fatale, duhet të bëhet një diagnozë e hershme e kapsllëkut, rekomandojnë ekspertët.

Ata thonë gjithashtu se një dietë e shëndetshme, e pasur me fibra, dhe aktiviteti fizik mund të largojnë nevojën për dializë ose transplant të veshkave.

Kapsllëku, i cili thuhet se prek 1 në 7 të rritur, mund të ketë ndikime të ndryshme në shëndetin e njerëzve. Ai rrit rrezikun e zhvillimit të sëmundjeve kardiovaskulare, si pasojë e efekteve të shkaktuar nga bakteri i stomakut.

Hulumtuesit shkencorë nga Universiteti Tennessee donin të shihnin efektet e kapsllëkut tek veshkat. Ata vëzhguan më shumë se 3.5 milionë veteranë amerikanë të cilët kishin funksion normal të veshkave.

Pjesëmarrësit u ekzaminuan fillimisht në vitin 2004, pastaj në 2006 dhe përsëri pas 7 vitesh.

Në fund të studimit ata dolën në përfundimin se pacientët të cilët kishin vuajtur më shumë nga kapsllëku ishin 13% më shumë të rrezikuar të prekeshin nga sëmundjet e veshkave.

Studimi është publikuar tek revista amerikane Society of Nephrology.

Burimi: Daily Mail / http://shendeti.com.al/

Në stinën e dimrit, predispozita për të shtuar disa kilogramë rritet. Kjo ndodh kryesisht për arsye se dita është më e shkurtër dhe na pëlqen të rrimë në kolltuk. Por, edhe vetë i ftohti e shton oreksin për kalori sepse një pjesë e tyre shërbejnë për të na ngrohur. Meny- ja e mëposhtme është një shembull se si mund të ulim kilogramët e tepërt duke u ushqyer me gjithçka na nevojitet për organizmin në këtë stinë:

Shembull ditor – 1800 kalori

Mëngjes
• 1 fetë bukë të zezë, gjizë dhe pak vaj ulliri
• 1 portokall ose 2 mandarina
• 1 lugë mjaltë +1/2 lugë kanelle

Paradite

• 100ml kos pa yndyre
  • 1 banane
  • 1 çaj jeshil me limon

Drekë
• Sallatë me brokoli, lulelakër dhe karota
• 150gr sardele furre me hudhra, rigon & nenexhik
• 200gr oriz integral me spinaq & arra

Pasdite
• 10 gështenja të pjekura
• 30gr hallvasi
• 1 çaj jeshil me limon

Darkë
• Sallate jeshile, patëllxhan të pjekur, peshk ton
• Fasule pllaqi me salce domatesh dhe majdanoz
• 1 shegë

Para gjumit
• 1 gotë qumësht pa yndyrë + 2 lugë tërshërë
• 1 kuadrat çokollate të zezë

Krahas ushqimit te ekuilibruar, duhet të merrni edhe vitaminë D nëpërmjet ekspozimit të përditshëm në diell, (të paktën në ditët kur ka diell).

Uthulla është vlerësuar gjithmonë për vetitë e saj shëruese. Hulumtuesit shkencorë thonë se ajo mund të jetë një alternativë për të krijuar ilaçe kundër diabetit dhe antibiotikë të tjerë.

Tashmë shkencëtarët po e vëzhgojnë më nga afër kurën historike.

Muajin e kaluar, një artikull i publikuar tek revista “Comprehensive Reviews in Food Science and Food Safety” zbuloi se uthulla përmban një përzierje substancash kimike që luftojnë infeksionin bakterial, ulin nivelet e yndyrave të dëmshme dhe sheqerit në gjak, madje luftojnë edhe kancerin.

Uthulla përmban acide natyrale të quajtura polifenolë dhe kimikate në ngjyrë kafe, të quajtura melanoidinë, që mund të vrasin bakterin e keq. Këto dy kimikate janë antioksidues, prandaj ofrojnë mbrojtje kundër sëmundjeve të zemrës, inflamacionin dhe kancerin.

Acidi acetik tek uthulla është gjithashtu shumë i rëndësishëm për trupin, pasi e ndihmon të rregullojë nivelet e yndyrës dhe sheqerit në gjak. Studimet kanë treguar se uthulla aziatike, e prodhuar nga orizi dhe drithëra të tjera, mund të parandalojë rritjen e qelizave kancerogjene.

Uthulla mund të ofrojë edhe një kurë efikase për sëmundjen inflamatore kronike të zorrës, kolitin ulceroz, që shkakton dhimbje në stomak, diarre, temperaturë dhe lodhje.

Acidi acetik tek uthulla mund të ulë edhe rrezikun për atak në zemër dhe goditje në tru.

Një studim i papublikuar ka bërë një eksperiment me uthullën e mollës. Hulumtuesit shkencorë ndanë 30 vullnetarë në 3 grupe: njëri grup konsumoi 2 lugë gjelle uthull molle të holluar në 200 ml ujë dy herë n ditë, para vakteve.

Grupi i dytë bëri të njëjtën gjë me uthull malt (e prodhuar me elb). Ndërsa grupi tjetër konsumoi një pije të zakonshme.

Dr. James Brown, hulumtues shkencor tek Universiteti Aston në Birmingan, i cili e ka ndjekur të gjithë eksperimentin, tregon se grupi që konsumoi uthull molle pësoi rënie me 13% në nivelet e kolesterolit. Pati gjithashtu një rënie të konsiderueshme të niveleve të triglicerideve, yndyra në gjak që krijohen pas konsumimit të mishit, prodhimeve të qumështit ose ushqimeve të gatuara me vaj.

Një studim i mëparshëm, i publikuar tek revista Diabetes Care në vitin 2004, tregon se konsumimi i 2 lugëve gjellë me uthull molle të holluar në ujë para çdo vakti ul nivelet e sheqerit në gjak tek personat me diabet 2 me 20-40%.

Burimi: Daily Mail / http://shendeti.com.al/

Doktorët, shkencëtarët dhe të dashurit tanë, të gjithë na kujtojnë se duhet të konsumojmë 8 gota me ujë çdo ditë. Por, a ka ndonjë të vërtetë pas këtij miti?

Si duket jo, pasi ekspertët po paralajmërojnë tani se rifreskimi me ujë kur nuk jeni të etur mund t’ju vrasë.

Konsumimi i tepërt lëngjeve pengon mekanizimin mbrojtës të gëlltitjes brenda trurit, ka zbuluar një studim i ri.

Duke e forcuar trupin të pijë më shumë ujë seç duhet, e ndaloni më shumë këtë mekanizëm, duke u rrezikuar nga intoksikimi i ujit, pretendojnë shkencëtarët.

Kur konsumohen shumë lëngje, shfaqet gjendja hiponatremia, ku nivelet e sodiumit në gjak ulen shumë poshtë normales. Ajo mund të shkaktojë letargji, të vjella, konvulsion, madje mund të çojë edhe në gjendje kome ose vdekje nëse lihet pa trajtuar.

Autori kryesor i studimit, dr. Michael Farrell, nga Universiteti Monash, Melburne, thotë: “Duhet të bëjmë vetëm atë që na kërkon trupi. Pini ujë vetëm kur jeni të etur dhe jo me orar të programuar”.

Sipas tij, ka pasur raste të atletëve në maratonë që kanë vdekur vetëm për shkak të rekomandimeve për të pirë sa më shumë lëngje, edhe kur nuk ishin të etur.

Mungesa e ujit gjithashtu sjell disa pasoja negative në organizëm, si rezultat i dehidratimit. (Lexoni- 10 problemet që shkaktohen nga dehidratimi dhe konsumimi i pakët i ujit).

Studimi është publikuar në internet tek “Proceedings of the National Academy of Sciences”.

Burimi: Daily Mail / http://shendeti.com.al/

Tensioni i lartë i gjakut, sidomos në moshë të mesme, rrit rrezikun për zhvillim të dementias në moshë më të vjetër, paralajmërojnë shkencëtarët nga Shoqata Amerikane e Zemrës. Ata kanë arritur në këtë përfundim pas shqyrtimit që i kanë bërë disa studimeve të shumta të tensionit të lartë të gjakut dhe lidhjes së tij me sëmundjet e trurit.

“Njerëzit me tension të lartë të gjakut rrezikohen më shumë nga dementia”, deklaron dr. Costantino Ladecola, profesor i neurologjisë dhe neuroshkencës tek Kolegji Mjekësor Weill Cornell.

Por, ajo që nuk është akoma e qartë, shton dr. Ladecola, është nëse mbajtja nën kontroll e tensionit të lartë të gjakut mund të ulë rrezikun për prekje nga një sëmundje mendore.

“E dimë që trajtimi i tensionit të lartë të gjakut ul rrezikun e zhvillimit të sëmundjeve të zemrës, si sulmet në zemër, ataku kardiak dhe goditjet në tru, dhe është e rëndësishme të vazhdohet trajtimi për të ulur rrezikun e zhvillimit të këtyre sëmundjeve. Por, kemi nevojë për studime konkrete, që provojnë shkakun dhe pasojat, për të përcaktuar nëse trajtimi i tensionit të lartë të gjakut, sidomos në moshë të mesme, do të ulë rrezikun e zhvillimit të dëmtimit të funksionit njohës në moshë më të vjetër”, thotë Ladecola.

Si një nga çrregullimet më të zakonshme neurologjike, dementia prek gati 30-40 milionë njerëz në të gjithë botën. Numri parashikohet të trefishohet deri në vitin 2050, për shkak të rritjes së moshës së popullsisë. Vetëm në Amerikë, një në tre të moshuar vdesin me alcajmer ose një formë tjetër të dementias.

Ndërkohë, rreth 700 milionë të rritur amerikanë vuajnë nga tensioni i lartë i gjakut. Përveç tensionit të lartë të gjakut, studime të mëparshme e kanë lidhur konsumimin e alkoolit në moshë të mesme me rritje të rrezikut të zhvillimit të dementias.

Lajmi i mirë është se studimi tregon se stërvitja e rregullt mund të ulë rrezikun e zhvillimit të dementias në moshën e mesme me 60%. Një dietë e shëndetshme gjithashtu, e pasur me fruta, perime dhe peshk, ul rrezikun e zhvillimit të dementias si tek burrat ashtu edhe gratë.

Burimi: Huffington Post / http://shendeti.com.al/

Zakonisht gjatë vjeshtës dhe dimrit na skuqet dhe dhemb fyti dhe në vend se të bësh turr të marrësh medikamente që në anën tjetër zvogëlojnë imunitetin natyral të organizmit, mëso të përgatitësh këtë ilaç që është shumë i lehtë për tu përgatitur por shumë efektiv. Për përgatitjen e këtij ilaçi të thjesht dhe shumë efektiv për fyt të skuqur të nevojiten nja dy rriska limon, dy rriska xhenxhefil dhe mjaltë. Vendosi në një qyp (tegëll) dhe futi në frigorifer, ku kjo përzierje do shndërrohet në pelte (jelly).

Merr një lug ushqimi me këtë pelte, vendose në një gotë dhe hedh ujë të vluar. Kështu çaji bëhet gati për lehtësimin e fytit të skuqur. Mund ta mbani këtë përzierje në frigorifer për 2 deri 3 muaj dhe ta përdorni sa herë që dikujt i duhet. Urojmë të mos i duhet askujt. Ky pra është një ilaç efektivë dhe i thjeshtë për fyt të skuqur.

Burimi: www.forhealthbenefits.com

Të gjithë e duam një filxhan kafe të ngrohtë, kjo jo vetëm për faktin se është e shijshme, por edhe sepse jep shumë energji.

Shkencëtarët thonë se pirja e kafes duhet parë më shumë se një mënyrë për t’i bërë qejfin vetes, ajo është shumë efektive në parandalimin e problemeve mendore. Gratë mbi moshën 65 vjeç që e merrnin kafeinën rregullisht dhe në sasi normale, ishin 36% më pak të rrezikuara për të pasur probleme të tilla, ky është përfundimi në të cilin u arrit pas një studimi. Por, pavarësisht kësaj, ekspertët nuk mund të thonë me saktësi se përse janë pikërisht 2 filxhanë kafeje që mund ta bëjnë këtë gjë.

Hulumtuesit shkencorë nga Universiteti Uisconsin-Milwaukee vëzhguan mbi 6 mijë gra të moshës mbi 65 vjeç dhe sasinë e kafeinës që ato konsumonin çdo ditë. Sasia u vlerësua në bazë pyetjeve mbi sasinë dhe shpeshtësinë e konsumimit të kafes, çajit dhe kolës.

Më pas pacientet u vëzhguan për një periudhë 10 vjeçare, ku u bë një vlerësim i përvitshëm lidhur me aftësitë e tyre njohëse.

Ata zbuluan se personat që konsumonin më shumë se 261 miligramë kafeinë, që është e barabartë me 2 filxhanë kafe, ishin 36% më pak të rrezikuar për t’u prekur nga çrregullimet mendore pas 10 vitesh. Megjithatë kërkuesit ende nuk mund ta thonë me siguri se përse kafeina ka këtë efekt parandalues mbi çrregullimet mendore.

Por ata thonë se kafeina ndihmon që receptorët e trurit të lidhen më shumë me njëri-tjetrin dhe ky mund të jetë një fillim i mirë për të përcaktuar se përse kafeina ka këtë efekt.

Drejtuesja e kërkimit, Ira Driscoll, u shpreh se : ‘ Fakti që ne kemi prova se kafeina është efektive në parandalimin e këtyre çrregullimeve është shpresëdhënës, pasi ajo është një lëndë që sasia e marrjes së saj mund të kontrollohet lehtësisht. Edhe pse për momentin nuk mund të bëjmë një lidhje midis rritjes së sasisë së kafeinës dhe uljes së rrezikut për çrregullime mendore, besojmë se me kryerjen e studimeve të mëtejshme ne do të mund të përcaktojmë më mirë këtë lidhje. Studimet mbi këtë temë jo vetëm që do të jenë efektive në parandalimin e problemeve, por do të shërbejnë edhe për të gjetur shkaktarët e kësaj gjendjeje”.

Burimi: Daily Mail / http://shendeti.com.al/

Rreth 38 milion njerëz në SHBA vuajnë nga migrena dhe mbi një miliard njerëz vuajnë nga kjo sëmundje në mbarë botën.

Migrena ndikon ndjeshëm në aktivitetin e jetës së përditshme  për shkak të dhimbjeve të forta që shkakton dhe simptomave të tjera si të përziera, të vjella, ndjeshmëri ekstreme ndaj dritave dhe tingujve etj.

Sipas një studimi të ri të bërë nga spitali i fëmijëve “Cincinnati” është vënë re se shumica e pacientëve që vuanin nga migrena kishin mungesë të vitaminës D në trup. Sipas dr Suzanne Hagler, udhëheqëse e studimit, shtojcat e mineraleve dhe vitaminave, sidomos e vitaminës D mund të bëhen forma të dobishme të trajtimit të migrenës.