Category: Shëndetsi

Një grup hulumtuesish nga Rockefeller University i New Yorkut kanë eksperimentuar me bakteriofagë. Vincent Fischetti, udhëheqësi i tyre, ka hulumtuar një bakteriofag që ka vrarë Streptococcus pneumoniae dhe ka izoluar enzimën që ka zbërthyer ose çarë bakterin.
“Vince e ka izoluar atë enzimë dhe më tha, ‘Dëshironi ta testoni’, unë e bëra dhe funksionoi për mrekulli”, ka thënë McCullers. Enzima u hodh në hundën e minjve, duke parandaluar tërësisht infeksionin e veshit në minj. Shumë kërkues kanë gjetur se këto fagë, baktere-vrasës, mund të përdoren për të ndihmuar mjekësinë.

“Këto viruse infektues, kur dëshirojnë të lënë bakterin dhe të largohen për të infektuar të tjerë dhe të shpërndahen më tej, zhvillojnë këto enzima të cilat shkaktojnë një çarje në murin e bakterit”, ka thënë McCullers. Kjo vret bakterin (enzima). Fagët mund të sajohen në laborator për të sulmuar vetëm lloje specifike të baktereve dhe të jenë të padëmshëm për qelizat humane, transmeton Telegrafi.

“Një prej aplikimeve për përdorim të saj që mund ta parashohim është se, nëse keni fëmijë që mund të marrën infeksione gjatë periudhës së dimrit, mund të keni një sprej nazal i cili do të spërkatet në hundën e fëmijës një herë të javë vetëm për të nxjerrë bakteret jashtë”, ka thënë McCullers.

Ose mbase sprej mund të përdoret pas një periudhe të gripit për të parandaluar infeksionin sekondar. Kjo mund të përdoret për njerëzit e moshuar, derisa gripi sezonal vret rreth 36.000, më së shumti të moshuar, çdo vit vetëm në Shtetet e Bashkuara.

“Shumica e njerëzve nuk vdesin nga influenca, por ata vdesin për shkak të infeksioneve bakteriale pas gripit”, McCullers.

Por vitet e eksperimenteve klinike do të duhet të realizohen para se ky trajtim të mund të testohet edhe në fëmijë.

Kafshimi i thonjëve nuk është vetëm e shëmtuar nga ana estetike dhe higjenike por edhe nje problem psikologjik.

Një studim gjerman ka treguar se njerëzit që kafshojnë thonjtë e kanë të vështirë të heqin dorë nga zakoni i tyre. Sipas tyre, ky është një problem serioz psikologjik që mund të zgjidhet me ndihmën e një mjeku.

Studiuesit shpjegojnë se shkaku pse njërëzit që kafshojnë thonjtë e tyre është stresi.

Sipas statistikave, gjysma e fëmijëve dhe të rinjve të moshës 10 dhe 18 vjeç kafshojnë thonjtë herë pas here, ndërsa e 1/3 e fëmijëve dhe 45% e adoleshentëve i kafshojnë thonjtë sipas ditëve.

Për të shmangur këtë zakon të keq, studiuesit sugjerojnë teknikat e relaksimit, stërvitjes apo edhe shtimi i orëve të gjumit.

/shkupi24/

1. Fasulet e kuqe

Ato janë një burim shumë i mirë i flavonoideve, një familje e rëndësishme e antioksidantëve, që mund të mbajnë nën kontroll plakjen. Përveç kësaj, indeksi i ulët glicemik i tyre dhe përmbajtja e lartë e fibrave, shpjegon kontributin e tyre për të mbajtur nivelet e glukozës në gjak të qëndrueshme.

2. Salmoni

Salmon ka sasi të mëdha anti-inflamatore omega-3 për të ndihmuar në mënyrë të ngadalshme procesin e plakjes.

3. Kumbulla të thara

Konsumimi i sa më shumë kumbullave të thara mund t’ju bëjë të dukeni më të rinj! Arsyeja që ato konsiderohen si një ushqim anti-plakje është, se procesi i tharjes përqendrohet në lëkurë për të ruajtur antioksidantët që ndodhen në fruta.

4. Manaferrat

Të gjitha llojet e manaferrave përmbajnë vitaminë C, me anë të të cilës stabilizojnë kolagjenin dhe ngadalësojnë zbërthimin e tij për t’i dhënë lëkurës një pamje të re. Për të marrë më të mirën e manaferrave, bëni një përzierje të gjithë llojeve – të konservuara, apo të freskëta.

5. Qumësht soje

Dy gota qumësht soje në vend të qumështit normal, mund të rritin butësisht nivelet e hormoneve, sidomos gjatë menopauzës dhe njëkohësisht mund të mbajnë të fortë lëkurën

/shkupi24/

Disa studiues kishin për qëllim që të studionin se sa kohë i duhet trurit tonë për të kuptuar një gënjeshtër.
Ky ekip italo-amerikan e nisën studimin e tyre me 30 studentë përpara 280 fotografive, në imazhe tregoheshin 8 aktorë profesionistë në gjendje të ndryshme emocionale dhe këto foto shoqëroheshin me përshkrime jo përkatëse për gjendjen që pasqyronin.

Gjatë vëzhgimit të fotove studentët u vunë nën monitorimin e tomografisë elektromagnetike, që shërbente për matjen e aktivitetit celebral. Nëpërmjet kësaj metode u arrit në përfundimin se trurit tonë i mjaftojnë 300 të mijtat e sekondës për kuptuar një gënjeshtër.

Ky raport që u publikua në revistën shkencore “Plos One” zbuloi gjithashtu se përgjegjës për ndarjen e së vërtetës nga gënjeshtra është korteksi i lobit frontal.

/shkupi24/

Frutat e thata janë burim vitaminash dhe mineralesh, prandaj është e gabuar ideja se frutat e thata ju shëndoshin. Përveçse të mira në shije, frutat e thata janë shumë të shëndetshme për organizmin.

Nëse jeni duke mbajtur dietë, Fëstkët janë zgjedhja më e mirë, sepse sipas dietologëve, fëstëkët janë frutat e thata që dobësojnë më shumë, ku një kokërr nuk ka më shumë se 4 kalori. Për të shuar urinë këshillohet që të blini fëstkët me guaskë dhe jo të gatshëm, pasi ato e ulin shumë oreksin. Përveç kësaj, fëstëkët janë burim i vitaminës B6 dhe kaliumit, të rëndësishme për forcimin e sistemit imunitar dhe forcimit të muskujve.
Arrat, janë frutat e thata më të mirat e mundshme për ushqyerje. Arrat janë shumë të pasura me antioksidantë, ndihmojnë trupin të luftojë sëmundjet e zemrës, plakjen e parakohshme dhe kancerin. Sigurisht nuk duhet tepruar me sasinë, është mirë të konsumoni 4 deri në 5 kokrra në ditë.
Ndërsa Bajamet janë fruta të thata të jashtëzakonshme për t’u ngrënë, për vetë faktin se ato janë të pasura me fibra dhe vitaminën E, shumë të dobishme për një trup të shëndetshëm. Sipas studimeve të fundit, nëse keni propleme me kolesterolin e “keq” duhet të filloni të hani më shumë bajame, sepse është vërtetuar se ulin kolesterolin LDL..

/shkupi24/

Tensioni i lartë i gjakut është shqetësim për shumë njerëz. Por, ne ua propozojmë disa këshilla, të cilave duhet t’u përmbaheni, për ta pasur nën kontroll tensionin dhe ta përmirësoni stilin e jetës.

Për ta mbajtur nën kontroll tensionin e gjakut është mjaft e rëndësishme, për të mos rrezikuar sëmundje të ndryshme, si sulmi në zemër, funksionimi i dobët i veshkave, që janë ndër sëmundjet të cilat mund t’i vuani nga tensioni i lartë i gjakut.

Mjekët këshillojnë që ata që vuajnë nga tensioni i lartë i gjakut, të bëjnë kujdes me dieta, ta mbajnë nën kontroll peshën dhe mbi të gjitha ta reduktojnë konsumimin e kripës.

Ndonjëherë është e nevojshme të marrim medikamente, për ta ulur tensionin, por një mënyrë jetese e shëndetshme dhe një dietë e kontrolluar, mund të japin rezultate të shkëlqyeshme në uljen e tensionit.

Në vazhdim do t’i shihni disa këshilla që ua preferojmë, për ta ‘mposhtur’ tensionin e gjakut:

– ta eliminojmë kripën dhe ta zëvendësojmë me erëza që e bëjnë ushqimin të shijshëm,

– t’i zëvendësojmë disa karbohidrate të rafinuara me ushqime të pasura me sojë,

– të konsumojmë çokollatë të zezë me përqindje të lartë të kakaos. Kjo ndihmon në uljen e tensionit,

– eliminoni ushqimet e konservuara dhe ato me vaj, të gjitha salsiçet dhe mishrat e konservuar,

– rriteni konsumimin e bananeve dhe perimeve të pasura me kalium si patatet shalqinjtë, portokajtë, spinaqin dhe bajamet,

– ndaloni rreptësisht konsumimin e alkoolit, djathit, ushqimeve të ngrira dhe atyre të gatshme,

– ecni çdo ditë së paku 30 minuta ose ndiqeni një aktivitet të moderuar fizik,

– merrni frymë thellë, për disa minuta në mëngjes dhe gjatë natës, duke e larguar stresin dhe tensionin,

– mos pini duhan, sepse konsumimi i tij i çrregullon arteriet, duke i penguar ato që të zgjerohen dhe kështu e lehtëson hipertensionin,

– flini mirë dhe gjatë, pasi që njerëzit që vuajnë nga pagjumësia, lehtësisht mund ta ketë tensionin lartë

/shkupi24/

Tymosja e duhanit ‘kalb’ trurin duke dëmtuar memorien, arsyen dhe mësimin– sipas një studimi nga Kolegji King’s në Londër.

Një studim i afro 8,800 njerëzve me moshën mbi 50 vjeç tregoi se shtypja e lartë e gjakut dhe të qenit mbipeshë, gjithashtu, dukej të ndikonin tek truri, por, në një shkallë më të ulët.

Shkencëtarët që udhëhoqën studimin njoftuan se njerëz duhet që t’i kushtojnë rëndësi stilit të jetës i cili mund të dëmtojë si mendjen, njashtu edhe trupin.

Studimi i tyre është publikuar në “Revistën Age and Ageing”.

Hulumtuesit pranë kolegjit King’s po hulumtonin lidhjen ndërmjet gjasave të një ataku kardiak apo të një goditje në tru dhe gjendjes së vet trurit.

Të dhënat rreth shëndetit dhe stilit jetësor të një grupi të mbi 50-tave u mblodhën dhe teste të mendjes, sikurse inkuadrimi në mësimin e fjalëve të reja apo numërimi i sa më shumë emrave të kafshëve që mundeshin brenda një minute, u realizuan njashtu.

Ata u testuan prapë pas katër pastaj tetë vjetëve.

Rënia

Rezultatet treguan se rreziku i përgjithshëm i një ataku kardiak apo të goditjes trunore “ishte e shoqëruar në mënyrë signifikante me rënien kognitive” ku ata me rrezikun më të lartë duke treguar rënien më të madhe.

Po ashtu, përmendet se kishte një “shoqërim të qëndrueshëm” ndërmjet tymosjes së duhanit dhe pikëve më të ulëta në teste.

Këto rezultate nënvizojnë rëndësinë e konsiderimit të shëndetit kardiovaskular nga mesi i jetës

Njëri nga hulumtuesit, Dr. Alex Dregan, ka thënë: “Rënia kognitive bëhet më e shpeshtë me moshën dhe për një numër gjithnjë e më të madh të njerëzve ndërhyn në funksionet ditore dhe mirëqenien.

“Ne kemi identifikuar një numër të faktorëve të rrezikut të cilët mund të shoqërohen me një rënie të përshpejtuar kognitive, ku të gjitha, mund të modifikohen.”

Ai, më tej shton: “Ne duhet që t’i vetëdijësojmë njerëzit rreth nevojës së kryerjes së disa ndryshimeve të stilit jetësor për shkak të rrezikut të rënies kognitive.”

Hulumtuesit ende nuk e dinë sesi kjo rënie kognitive mund të ndikojë në mbarëvajtjen e aktiviteteve të tyre ditore. Ata ende nuk janë të sigurt nëse rënia e hershme në funksionimin kognitiv mund të çojë në çrregullime sikurse çmenduria.

Zemra dhe truri

Dr. Simon Ridley, nga Qendra për Hulumtimin e Alzheimerit MB, thotë:

“Hulumtimet në mënyrë të përsëritshme kanë ndërlidhur tymosjen e duhanit dhe shtypjen e lartë të gjakut me rënien kognitive dhe çmendurinë e pleqërisë, kurse ky studim i shton më shumë peshë dëshmive.

“Rënie kognitive derisa moshohemi mund të zhvillohet në çmenduri, dhe duke zbuluar faktorët të cilët janë të ndërlidhur me këtë rënie mund të jetë kritike për gjetjen e mënyrave për të parandaluar këtë gjendje.”

“Këto rezultate nënvizojnë rëndësinë e kujdesjes për shëndetin tonë kardiovaskular nga mosha e mesme. ”

Shoqëria e Alzheimerit thonë: “Ne të gjithë e dimë se tymosja, shtypja e lartë e gjakut, shkalla e lartë e kolesterolit dhe niveli i lartë i TMB [Treguesit të Masës Trupore] është e dëmshme për zemrat tona. Ky hulumtim i shton dëshmive të shumta të cilat, gjithashtu, sugjerojnë se ato mund të jenë të dëmshme edhe për trurin.

“Një në tre njerëz mbi 65 vjeç zhvillojnë çmendurinë, por, [fatmirësisht] ekzistojnë gjëra që njerëzit mund t’i kryejnë për të zvogëluarin rreziqet e tyre.

“Ngrënia e një diete të balancuar, mbajtja e një peshe të shëndetshme, ushtrime të rregullta, kontrollimi i shtypjes së gjakut dhe kolesterolit dhe mos tymosja të gjitha përbëjnë një dallim të madh.” Burimi: /islamifejaevertete/

Ndryshimet e shpejta të motit mund të ndikojnë në shfaqjen e dhimbjeve reumatike.

Tashmë një kohë dihet se moti mund të jetë një faktor shumë i rëndësishëm për shfaqjen e sëmundjeve reumatike, dhe se këtyre më shumë u përshtatet moti i ngrohtë dhe i thatë.

Por nuk ka pasur studime të mjaftueshme që edhe shkencërisht e kanë vërtetuar këto supozime të pacientëve.

Megjithatë, një studim argjentinas i realizuar në mbi 150 pacientë kohë më parë, ka konfirmuar këtë lidhje.

Pacientëve që vuajnë nga problemet reumatike u është kërkuar që çdo ditë të shënojnë ndjenjat dhe dhimbjet, derisa studiuesit kanë matur çdo ditë edhe temperaturën, shtypjen atmosferike dhe lagështinë e ajrit.

Studimet kanë treguar një shkallë të dukshme të lidhjes në mes të motit dhe dhimbjeve reumatike.

Megjithatë, studiuesit kanë arritur në përfundim se moti ndikon në dhimbjen reumatike, por jo për shkak të një klime të caktuar, por për shkak të ndryshimeve të shpejta dhe të shpeshta të saj.

/shkupi24/

Kafja është pija më popullore në botë dhe një nga çështjet më të diskutueshme midis kërkuesve në të gjithë planetin. Për vite me radhë, biokimistët dhe kërkuesit janë munduar të kuptojnë se si kafja mund të ndihmojë mendjen e njeriut në momentet e lodhjes.

Në ditët e sotme, për shumë njerëz kafja është diçka pa të cilën nuk mund të jetojnë. Ata e pinë atë çdo ditë, veçanërisht në mëngjes. Për shumë njerëz, zgjimi në mëngjes për të ardhur në punë është një nga arsyet kryesore se pse e pinë kafen.

Imagjinoni që duhet të çoheni shpejt, të përgatiteni për punë, më pas të lodheni në trafik derisa të arrini në punë dhe kur të jeni atje problemet e ditës janë duke ju pritur për të testuar mendjen tuaj e cila nuk ka patur kohë të zgjohet plotësisht.

Kafja në shumicën e rasteve ju ndihmon të filloni ditën e freskët dhe ju mban aktiv në punë. Fillimi i ditës me një filxhan kafe mund të rrisë energjitë tuaja, do ju ndihmojë patjetër ta bëni punën më mirë madje mund të gjeneroni ide të reja të cilat një ditë do ju çojnë në një pozicion më të lartë.

Ata që janë të varur te kafja për ti mbijetuar punës le ta shijojnë atë dhe të kenë një javë plot energji.

/shkupi24/

Ai jep efekte pozitive për shëndetin dhe përdoret edhe për maska bukurie. Qumështi i bletës që prodhohet nga gjëndrat e bletëve punëtore shërben për të ushqyer larvat gjatë tri ditëve të para si dhe për të ushqyer mbretëreshën. Ky ushqim e mban mbretëreshën në jetë për 8 vjet, shumë interesant ky fakt, duke ditur që një bletë e zakonshme, e cila ka lindur nga e njëjta vezë me mbretëreshën, jeton vetëm 21 ditë. Qumështi i bletës ka ngjyrë të bardhë në të verdhë, është si krem, ka shije të thartë dhe pak aromë.

Përmbajtja
Qumështi i bletës përmban të gjithë aminoacidet esenciale për njeriun. Enzima dhe derivatet e tyre. Sheqer: fruktozë dhe glukozë. Yndyra 80-90 për qind, por ato janë neutrale dhe nuk i bëjnë dëm organizmit. Minerale: kalium, kalcium, natrium, zink, hekur, bakër dhe mangan. Vitamina: B1, B2, B5, B6, acid folik, vitaminë H. Hormoni: progesteron, estrogjen, testosteron.

Efektet kuruese
Ka efekt qetësues dhe çlodhës, ul nivelin e hormoneve të tiroides. Ndihmon zhvillimin dhe rritjen. Stimulon gjëndrat seksuale, ndihmon prodhimin e vezoreve, gjatë shtatzënisë, duke rritur nivelin e progesteronit në gjak. Rrit nivelin e testosteronit në gjak, duke ndihmuar në problemet e potencës mashkullore. Stimulon gjëndrat mbiveshkore. Ndihmon në sëmundje si artriti ose lodhja kronike. Ul zmadhimin e prostatës, ka të njëjtin efekt si hormonet femërore. Normalizon punën e testikujve. Ndihmon në funksionimin e mëlçisë dhe sëmundjet e saj, hepatite, rigjeneron strukturën e mëlçisë. Ka efekt antiinflamator (si paracetamoli, advili). Pastron organizmin nga toksina. Ndihmon funksionimin e veshkave. Rrit jetëgjatësinë e njerëzve, duke ruajtur rininë e enëve të gjakut. Zgjeron enët e gjakut. Ndihmon në uljen e kolesterolit dhe triglicerideve. Rrit imunitetin. Ndihmon në formimin e rruazave të kuqe të gjakut, këshillohet në anemi. Ndihmon në mikrohemorragji. Në lëkurë, rregullon prodhimin e yndyrës. Përdoret në kozmetikë, sepse ndihmon në pastrimin dhe rinimin e lëkurës. Përdoret si agjent antibakterial dhe antivirusal lokal për probleme të ndryshme të lëkurës. Te fëmijët e sapolindur ndihmon në rritjen në peshë.

Kur nuk duhet të përdoret
Në kriza astme, sepse qumështi i bletës mund të ngushtojë bronket, gjë që do ta rëndonte sëmundjen. Në alergji ndaj përbërësve të qumështit të bletës. Nuk duhet ta përdorin ata që vuajnë nga sëmundja Addison, si dhe ata që kanë kancer në fazë akute.

Efektet anësore
Dhembje stomaku, të vjella, diarre dhe pagjumësi (kjo e fundit ndodh më shpesh te femrat). Në të tilla raste, në fillim ulni dozën dhe nëse efektet anësore nuk përmirësohen, ndërprisni konsumimin. Kujdes: nëse nuk respektoni dozat, mund të jetë helmues. Duhet pasur kujdes në përdorim kur organizmi është tepër i dobësuar, është e pamundur tretja e qumështit. Kur vuani nga sëmundje me spazma të tubit tretës, kancer shumë të përhapur në lëkurë.

Kura
Kura duhet të zgjasë një muaj, maksimumi tre muaj, për dozat lexoni me kujdes letrat që e shoqërojnë dhe respektoni indikacionet e shkruara. Rezultatet e kurës mund të shfaqen menjëherë ose me pak vonesë, sepse ndryshe nga poleni, qumështi i bletës vepron më ngadalë.

Sëmundjet në të cilat duhet të përdoret
-Hipertiroidisem
-Diabet
-Hiperkolesterolemi, hipertrigliceridemi (kolesterol dhe trigliceride të larta)
-Sëmundje të zemrës dhe enëve të gjakut
-Sëmundje kronike të mushkërive
-Sëmundje të gojës, probleme me mishrat e dhëmbëve, probleme të fytit
-Sëmundje të veshkave
-Artrite reumatoide
-Probleme seksuale, probleme me riprodhimin, ndihmon në periudhat e premenopauzës
-Kancer
-Në pediatri ndihmon sidomos fëmijët e lindur para kohe ose distrofikë.

/shkupi24/