Për të gjithë ata që janë kurioz për të mësuar se si më së miri mund ta presin Ramazanin, Sh. Q. Thirrja i furnizon shitoret e qytetit të Shkupit me fletushkën “Si ta presim Ramazanin?”, duke shpërndarë 2400 fletushka. Tani mund ta gjesh falas në shitoren më të afërt.
![Matura Islame 2017 [FOTO]](https://thirrjaislame.com/wp-content/uploads/2017/05/15.jpg)
Si gjithnjë e falënderojmë Allahun që na furnizon me begati vazhdimisht. Kësaj here jemi mirënjohës ndaj tij që e zhvilluam dhe festuam Maturën islame të maturantëve të gjeneratës së këtij viti.
Sa i përket kësaj nate, ishte një natë e bukur dhe e veçantë, e shoqëruar me ilahistë, hoxhallarë e profesorë, në krye me personazhet kryesore të mbrëmjes – maturantët, që sollën plot gëzim, argëtim dhe emocione të bukura.
Prandaj, e lusim Zotin që maturantëve t’u jep një jetë të suksesshme studimore, kurse aktivitetin tonë tradicional ta bëjë institucion motivimi, nxitjeje dhe institucion orientimi kah rruga më e drejtë!
E falënderojmë dhe lavdërojmë Allahun, Zotin e botëve. Ndërsa, paqja dhe bekimet më të zgjedhura qofshin mbi pejgamberin tonë të dashur, Muhamedin s.a.u.s.
Në veçanti e falënderojmë Allahun e Madhëruar, me ndihmën e të cilit arritëm ta përfundojmë Nivelin fillestarë të Kursit të gjuhës angleze, aktivitet ky që filloi në shtator të vitit të kaluar e që përçoi njohuri të gjera bazike deri te nxënës filloristë të klasave të ndryshme, nga e para e deri në të nëntën.
Ndër tjerash, nga Kursi katërmujor nxënësit tanë kishin mundësinë që të absorbojnë dituri të mirëfilltë, sa i takon gjuhës angleze, dhe të fitojnë shkathtësi të ndryshme gjuhësore, edhe atë nga fusha e gjuhësisë, gramatikës, të lexuarit, të shkruarit dhe të të folurit, e tërë kjo mbi bazë të metodave të ndryshme interaktive.
Kjo nuk është gjithçka që kemi ofruar për fëmijët tanë nga ky Kurs. Me lejen e Allahut Fuqiplotë, nga 18 janari do ta vazhdojmë këtë aktivitet, duke e zhvilluar edhe nivelin e dytë, në mënyrë që brezat tanë të rinj të ndërtojnë një bazë të mirë të anglishtes dhe të jenë të përgatitur për inkuadrimin në botën bashkëkohore me të gjitha mundësitë që ajo i ka në dispozicion.
