Author: thirrja@live.com

Disa hulumtues në SHBA prej gjashtë muajsh janë duke studiuar nëse konsumimi i vezëve i bën mirë kujtesës ose jo. Gjatë studimit pjesëmarrësit vullnetarë u ndanë në dy grupe. Pjesëtarët e grupit të parë konsumonin vezë dy herë në ditë dhe pjesëtarët e grupit tjetër nuk e konsumonin atë fare.

Pas ndjekjes së kësaj “diete” ata u testuan për kujtesën, përqëndrimi, shikimin, por edhe nëse rrezikohej që më vonë truri i tyre të prekej nga ndonjë sëmundje skizofrenie apo jo.

Hulumtuesit nga Universitetit i Tufts në SHBA, pranuan se nga eksperiementi, personat të cilët kishin konsumuar vezën kishin raport më të mirë me përqendrimin dhe kujtesën.

Si rezultat, veza është e pasur me vitaminën B-Complex, që lidhet me funksionimin e neuro-logjikës e që ul inflamacionin.

Për këto arsye është mirë konsumimi i saj. Fakt ky, i cili me kalimin e kohës do të ndikojë në qëndrueshmërinë e sjelljes së trurit, përqëndrimit dhe kujtesës.

/shkupi24/

Qëndrimi galiç relakson muskujt në mënyrën e duhur për të mundësuar një lëvizje optimale pingul të përmbajtjes së zorrës dhe potencialishtë mund të luftojë disa sëmundje shumë të rrezikshme si Koliti dhe Kanceri i Kolonit (zorrës së trashë).

Në foto janë paraqitur në mënyrë skematike mënyrat e kryerjes së nevojës dhe ndikimi në muskujt e pelvikut:

1. Qëndrimi në tualet standard është një qëndrim jo natyral gjatë kryerjes së nevojës që shkakton tendosje dhe sforcim.

Në këtë pozitë për të mundësuar një kontinuitet të daljes së nevojës muskuli pubo-rektal e shtrëngon rektumin (pjesën përfundimtare të zorrës së trashë).

2. Qëndrimi natyral galiç, pelviku është i relaksuar.

Qëndrimi galiç e relakson muskulin pubo-rektal dhe e drejton rektumin duke e lehtësuar daljen e përmbajtjes së zorrës, duke e ulur sasinë e sforcimit që duhet dhënë gjatë kryerjes së nevojës dhe duke e ulur presionin intraabdominal.

3. Qëndrimi ulur në tualet standard por me modifikim në mënyrë që të arrihet efekti i qëndrimit galiç.

Modifikim i shëndetshëm i kryerjes së nevojës në tualet standard duke vendosur këmbët në një ulëse si zgjidhje në rastet ku nuk kanë tualet tradicional.

/shkupi24/

Një studim i Universitetit të Harvardit ka arritur në konkluzionin se të qënit nervoz rrit 5 herë më shumë rrezikun e arrestit kardiak. Çdo lloj shpërthimi nga nervat rrit rrahjet e zemrës, presionin e gjakut  duke çuar në arrest kardiak. Gjithashtu, nëse kemi të bëjmë me një njeri që bëhet nevrik në mënyrë të vazhduar, rreziku është edhe më i lartë.
Më poshtë jepet një guidë e shkurtër sesi të qetësoheni kur jeni nervoz.

Numëroni deri në 10
Në vend që të shfryni tek kolegët apo njerëzit që keni pranë, psikologët sugjerojnë të merrni frymë thellë dhe të numëroni deri në 10. Kjo është një praktikë dhe teori e njohur mes psikologëve, sipas së cilës, në momentin që do të keni mbaruar numërimin, nervat do t’ju kenë rënë.
Evitoni zakone të pashëndetshme
Nëse ktheheni në shtëpi, pas një dite të lodhshme në punë dhe menjëherë merrni një gotë verë e pini një paketë duhan, kjo është mënyra më e keqe për të mposhtur stresin. Për mjekët kjo është “sjellje shmangëse” dhe mesa duket është më e perhapur tek meshkujt sesa tek femrat. Ideja pas kësaj teorie qëndron tek fakti se stimulues si alkooli apo duhani ju bëjnë që ta mbysni stresin e jo ta nxirrni atë, ndaj duhet të evitoni një sjellje të tillë.
Koha ime
E përditshmja, puna, familja, shpesh bëjnë që të harroni vetveten dhe kjo mund të shkaktojë probleme serioze. Përpiquni që të paktën një herë në javë të gjeni pak kohë për veten tuaj, duke bërë diçka që ju shijon dhe ju shplodh.
Bëni jetë të shëndetshme
Dihet që një dietë e rregullt ushqimore dhe ushtrimet fizike ndihmojnë trupin dhe bëjnë që të keni më pak stres. Të qenit aktivë dhe energjikë ndihmon të keni mendje të kthjellët.
Mbani  situatën nën kontroll
Në jetë ka një gjithnjë zgjidhje për çdo problem. Ndaj, në vend që të mbusheni me ankth, mbani  situatën nën kontroll! Sigurisht nuk po sugjerojmë që të bëni “grusht shteti” në punë. Mund ta nisni fare mirë duke vënë përpara punën që keni mbi tavolinë.
Gjeni kohë për të takuar miqtë
Të takuarit njerëz të tjerë ul stresin e akumuluar dhe në të njëjtën kohë ju ndihmon që të keni një tjetër këndvështrim për probleme të ndryshme. Sigurisht që të qeshurit është një tjetër ilaç tepër i rëndësishëm që gjendet lehtë tek miqtë e vërtetë.
Bëni pushim gjatë ditës.
Nëse rrini gjatë gjithë ditës përpara kompjuterit, pa lëvizur fare nga vendi, ajo që do të arrini do të jetë më shumë stres e mbase edhe më pak punë. Është e këshillueshmë që gjatë ditës të merrni pushim 10 deri në 15 minuta.
Pranoni gjërat të cilat nuk i ndryshoni dot
Ky është një ndër rregullat kryesor për tu plakur në harmoni. Njohja dhe pranimi i gjërave për atë që janë dhe përqëndrimi tek çdogjë që ju keni nën kontroll është mënyra më e mirë dhe më e shëndetshme për të jetuar pa stres.
Menaxhoni kohën më mirë
Në vend që të humbi kohë duke biseduar në telefon apo në rrjete sociale gjatë orarit të punës, vendosni një rregull për gjithçka. Vendosni një lloj prioriteti tek gjërat që përbëjnë problem. Zgjidhni problemet e pastaj jepini kohë vetes për pak pushim.
Jini pozitiv
Doktorët sygjerojnë që në fund të ditës secili të shkruajë tre gjërat që shkuan mirë gjatë ditës dhe për të cilat është mirënjohës. Edhe nëse nuk e bëni këtë, mjafton të kujtoni shprehjen që “ka edhe më keq”!

/shkupi24/