Zekerija, alejhi selam, ju ankua Allahut dhe i tha: “O Zoti im! Eshtrat tashmë më janë dobësuar, koka më ndriçon nga thinjat dhe asnjëherë nuk kam mbetur i zhgënjyer nga lutja ime për Ty, o Zoti im!” (Merjem: 4.)
Pastaj u lut dhe tha: “andaj, më dhuro nga ana Jote një pasardhës” (Merjem: 5.)
Dhe pati mendim të mirë për Allahun dhe tha: “O Zoti im, bëje atë të pëlqyeshëm (për Ty)!” (Merjem: 6.)
E Allahu ia plotësoi kërkesën e tij dhe i tha: “O Zekerija, Ne po të japim lajmin e mirë” (Merjem: 7.)
Pra lutja e vazhdueshme me përulje, edhe nëse ajo zgjat me vite të tëra, bindja dhe mendimi i mirë për Allahun, të pamundërën e bëjnë të mundur, me lejen e Allahut. Prandaj mos i ndal lutjet edhe nëse përgjigja të vonohet.
Nga arabishtja: Irfan JAHIU